تحملنا وقلنا فترة
وهلاء خلصت العَشرة
كل واحدفينا موجوع
وعم يحارب ضد الجوع
لقمتنا صارت ممنوع
ما حدا سائل بالمرة
عم ننطر للشمس سطوع
ولصوت الحق المسموع
للخوف يبطّل مزروع
طوّلنا بها السكرة
عم يزيد الهم طلوع
كل خطوة منمشيا رجوع
نزفنا أمس اليوم دموع
ما في أمل ببكرا
عيشتنا هم وحسرة
والباطل علمو مرفوع
والعتمة صارت مشروع
وما بدنا نسافر برا
رفعنا الشكوى للمولى
الشكوى لغيرو مذلة
يارب تلطف فينا
وحدك قادر يحلّا
بقلمي / سلوى شباني 🇸🇾
تعليقات
إرسال تعليق